Azərbaycanın xarici işlər naziri Ceyhun Bayramov çərşənbə günü ATƏT-in Minsk qrupunun ABŞ-dan olan həmsədri, ABŞ Dövlət Departamentinin Qafqaz danışıqları üzrə baş müşaviri Lui Bononu qəbul edib.

Görüşdə Azərbaycan və Ermənistan arasında sülh prosesi, iki ölkə arasında sülhün və dövlətlərarası münasibətlərin qurulmasına dair saziş layihəsi üzrə danışıqların hazırkı vəziyyəti, bu kontekstdə keçirilmiş son görüşlərin nəticələri və danışıqların perspektivləri müzakirə edilib. Azərbaycan mediası.

Bayramov regional kommunikasiyaların açılması və Ermənistanla sərhədlərin delimitasiyası prosesi ilə bağlı Azərbaycanın mövqeyini bir daha diqqətə çatdırıb.

Bono isə öz növbəsində ABŞ-ın sülh prosesinə hər cür dəstək verməyə hazır olduğunu bəyan edərək, regionun inkişafı üçün sülh və əmin-amanlığın təmin edilməsinin zəruri olduğunu qeyd edib.

Tərəflər qarşılıqlı maraq doğuran digər məsələlər ətrafında da fikir mübadiləsi aparıblar.