Məşhur “WhatsApp” messencerində faydalı funksiya yaranıb : indi bu messencerdə HD keyfiyyətli fotolar göndərmək mümkündür.

"dogruxeber.tv"ın WABetaInfo-ya istinadən verdiyi məlumata görə , HD keyfiyyətində fotoşəkillər göndərmək imkanı hazırda bütün istifadəçilər üçün deyil, iOS (versiya 23.11.0.76) və Android (versiya 2.23.12.13) WhatsApp proqramının beta testerləri üçün əlçatandır, hamısı üçün deyil. Bununla belə, yeni funksiyanın tezliklə daha çox istifadəçi üçün əlçatan olacağı gözlənilir.

Bu funksiyadan əvvəl “WhatsApp” avtomatik olaraq şəkli sıxıb, keyfiyyətini aşağı salıb və SD (standart) təsvir ölçüsündə göndərirdi. İndi istifadəçilər orijinal parametrlərini qoruyaraq yüksək keyfiyyətli şəkilləri paylaşa biləcəklər. Şəkil göndərərkən istifadəçi HD keyfiyyət seçimini seçə bilər.

“WhatsApp” bu yaxınlarda bir çox faydalı funksiyaları, o cümlədən telefon nömrəsi olmayan kontaktı tapmağı asanlaşdıracaq ləqəblər yaratmaq , parol və ya biometrik məlumatlarla şəxsi yazışmaları qorumaq imkanı və bir çox digər funksiyaları təqdim edib.

Bu yaxınlarda ortaya çıxan digər çoxdan gözlənilən xüsusiyyət , artıq göndərilmiş mesajları redaktə etmək imkanıdır . Ancaq bu, göndərildikdən sonra 15 dəqiqə ərzində edilə bilər.

dogruxeber.tv
Kamal Əsgərov