Almaniyada yerləşən Maks Plank İnstitutunun elmi jurnalı "Review of Geophysics"də dərc olunan araşdırma Türkiyə üçün gözlənilən təhlükəni bir daha ortaya qoydu.

Araşdırmaya görə, Şərqi Aralıq dənizi və Yaxın Şərq yaxın gələcəkdə görünməmiş ekstremal hava hadisələri ilə sarsılacaq. Bu bölgə iqlim dəyişikliyinin mərkəzi kimi təsvir edilir və temperatur artım sürətinin qlobal orta göstəricidən təxminən iki dəfə yüksək olduğu vurğulanır.

Türkiyənin də daxil olduğu bölgə ölkələrinin qarşıdakı illərdə isti dalğaları, quraqlıq, toz fırtınaları və həddindən artıq yağıntı kimi böhranlarla üzləşəcəyinə diqqət çəkilir.

Proqnozlara görə, bu əsrin sonuna kimi regionda temperaturun 5 dərəcəyə qədər yüksələcəyi, xüsusilə yay aylarında görünməmiş yüksək temperaturun olacağı gözlənilir.

"dogruxeber.tv"ın məlumatına görə, "Reviews of Geophysics"də dərc olunan araşdırmada, lazımi tədbirlər dərhal alınmazsa, Şərqi Aralıq dənizi və Yaxın Şərqin ciddi iqlim böhranı ilə üzləşəcəyi bildirilir. Hesabatda bölgənin iqlim dəyişikliyi mərkəzi olaraq təyin olunduğuna və bölgədəki temperatur artım sürətinin qlobal orta göstəricidən təxminən iki dəfə yüksək olduğuna diqqət çəkilir.

Araşdırmalara görə, yağıntının miqdarının azalması ilə bölgədə ciddi su və qida böhranı yaranacaq, bütün iqtisadi sektorlar bu böhrandan təsirlənəcək və bölgədə yaşayan 400 milyon insan dağıdıcı təsirlərlə üzləşəcək. Su səviyyəsinin artması ilə bir çox sahilyanı ərazilər və əkinçilik sahələri yox olmaq təhlükəsi ilə üzləşəcək.

Hesabatda iqlim böhranından Türkiyə ilə yanaşı Yunanıstan, Qətər, Suriya və Səudiyyə Ərəbistanı kimi ölkələrin də təsirlənəcəyi bildirilir. Siyasi böhranların və qarşıdurmaların yaşandığı bu bölgədə iqlim böhranı ilə mübarizə üçün ölkələrin bir araya gəlməsinin çətin olduğu da vurğulanır.

dogruxeber.tv
Fatimə Kamalqızı