Cənubi Koreyanın texnologiya nəhəngi Samsung, Böyük Britaniyanın Əqli Mülkiyyət İdarəsində (UKIPO) şirkətin yeni geyilə bilən cihazlarına aid ola biləcək üç ticarət nişanını qeydiyyatdan keçirib.

"dogruxeber.tv" bildirir ki, bu barədə SamMobile məlumat yayıb .

Söhbət Samsung Circle , Samsung Index və Samsung Insight kimi brendlərdən gedir . Bütün ticarət nişanları “geyilən kompüterlər”, “ağıllı üzüklər”, eləcə də “ağıllı saatlar və smartfonlar” kateqoriyalarında qeydə alınıb.

SamMobile, Samsung Circle adının şirkətin ağıllı üzük və ya fitnes qolbağını ifadə edə biləcəyini təxmin edir. Öz növbəsində jurnalistlər “Samsung Index” və “Samsung Insight”ı virtual, əlavə və ya qarışıq reallıq cihazları və nəzarətçiləri ilə əlaqələndirirlər.

SamMobile yazır: "Məlumat bu cihazların dəqiq təbiətini müəyyən etmək və ya onların mövcudluğundan ümumiyyətlə əmin olmaq üçün çox qeyri-müəyyəndir".

Bununla yanaşı, vebsayt xatırladıb ki, hələ 2023-cü ilin fevralında Samsung Qualcomm ilə birlikdə adı hələ müəyyən edilməmiş qarışıq reallıq üçün qulaqlıq hazırladığını elan etmişdi. O vaxtdan bəri cihaz haqqında məlumat mediada görünmür.

dogruxeber.tv
Rəna Gözəlova