İsveçin Şimali Atlantika Alyansına mümkün qədər tez daxil olmasına dair Türkiyə ilə razılaşma çərçivəsində Stokholm Ankaraya Avropa İttifaqı ilə yaxınlaşmada yardım göstərəcək.

"dogruxeber.tv" "European Pravda"ya istinadən xəbər verir ki, bunu ötən gün brifinqdə NATO-nun baş katibi Yens Stoltenberq deyib .

Türkiyə prezidenti Rəcəb Tayyib Ərdoğan və İsveçin baş naziri Ulf Kristersson ilə üçtərəfli görüşdə iştirak edən Stoltenberq Ankaranın İsveçin üzvlük protokolunu “mümkün qədər tez” ratifikasiya etmək qərarını açıqlayıb.

Alyansın baş katibi əlavə edib: "İsveç bu gün Aİ üzvü kimi Türkiyənin Aİ-yə üzvlük prosesini canlandırmaq səylərini fəal şəkildə dəstəkləmək, Türkiyə ilə Aİ-nin gömrük ittifaqının modernləşdirilməsinə və viza rejiminin liberallaşdırılmasına kömək etməkdir".

O, NATO-nun Türkiyə ilə Avropa İttifaqı arasında münasibətlərə qarışmadığını, lakin İsveçin Aİ üzvü kimi bu münasibətlərə töhfə verə biləcəyini vurğulayıb və iki dövlət arasında razılaşmanı alqışlayır.

Qeyd edək ki, üçtərəfli görüşün yekunlarına dair mətbuata verilən açıqlamada həmçinin İsveç və Türkiyənin Birgə İsveç-Türkiyə İqtisadi və Ticarət Komitəsi vasitəsilə iqtisadi əməkdaşlığı gücləndirmək və ikitərəfli ticarət və investisiyaların artırılması imkanlarını maksimum dərəcədə artırmaq barədə razılığa gəldiyi bildirilib.

Bundan əvvəl NATO-nun baş katibi bildirib ki, Türkiyə İsveçin Şimali Atlantika Alyansına daxil olmasına “mümkün qədər tez” razılıq verib. Beləliklə, İsveç tezliklə NATO-nun 32-ci üzvü olmalıdır.

Xatırladaq ki, bazar ertəsi Ərdoğan Avropa İttifaqının ölkəsinin üzünə qapılarını açacağı təqdirdə İsveçin NATO-ya üzvlüyünü dəstəkləyəcəyini bildirmişdi.

Türkiyə 1964-cü ilə qədər davam edən Aİ-yə üzvlüklə bağlı ən uzun danışıqlar prosesinə malikdir. 2016-cı ildən üzvlüklə bağlı danışıqlar dalana dirənib.

dogruxeber.tv
Elnur Zəngəzurlu