Yaponiyanın Səhiyyə Nazirliyinin ötən gün apardığı sorğunun nəticələrinə görə, 2022-ci ildə ardıcıl ikinci il Yaponiya kişiləri və qadınları üçün orta ömür uzunluğu azalıb.

Hər iki cins üçün orta ömür uzunluğu 2010 və 2011-ci illərdə ardıcıl olaraq iki il azalıb.

2022-ci ildə kişilərin orta ömür uzunluğu 2021-ci ildən 0,42 il azalaraq 81,05 yaşa, qadınlarınki isə 0,49 il azalaraq 87,09 yaşa düşüb. Nazirlik rəsmisi deyib ki, azalma "əsasən COVID-19 pandemiyası ilə əlaqədardır".

"dogruxeber.tv"ın "Jiji press"ə istinadən məlumatına görə, yeni növ koronavirusa yoluxduqdan sonra ölənlərin sayı 2021-ci ildəki 16 766 nəfərdən 2022-ci ildə 47 635 nəfərə yüksəlib.

COVID-19 pandemiyasının 2022-ci ildə orta ömür müddətini kişilər üçün 0,12 il, qadınlar üçün isə 0,13 il qısaltdığı, 2021-ci ildə müvafiq olaraq 0,10 və 0,07 ildən çox olduğu görülür.

Orta ömür uzunluğu, hər bir yaş qrupu üçün ölüm nisbətinin dəyişməz qaldığı fərziyyəsi əsasında müəyyən bir ildə doğulan körpənin yaşaması gözlənilən illərin sayıdır.

2020-ci ilə qədər orta ömür uzunluğu kişilər üçün düz doqquz il, qadınlar üçün isə ardıcıl səkkiz il rekord həddə çatmışdı.

dogruxeber.tv
Nərgiz Elnurqızı