Qəbul etdiyimiz qidaların beyin sağlamlığımıza təsiri elm adamları tərəfindən dəfələrlə sübut olunub. 

“dogruxeber.tv” xarici KİV-ə istinadən xəbər verir ki, mütəxəssislər güclü yaddaşa sahib olmaq üçün aşağıdakı qidalara üstünlük verməyi tövsiyə edir: 

Avokado 

Avokado yüksək yağ tərkibinə görə bir çoxlarının imtina etdiyi bir qida olsa da, əslində istehlak edilməsi tövsiyə olunur. Çünki o, dərketmə qabiliyyətinin azalmasının qarşısını alan və qanda şəkəri sabit saxlayan mono doymamış yağlarla zəngindir. Tərkibində həm K vitamini, həm də fol turşusu var. Avokado beyində qan laxtalanmasının qarşısını alır, insultdan qoruyur. Həmçinin, yaddaş və konsentrasiya ilə bağlı beyin funksiyalarını yaxşılaşdırmağa kömək edir. B və C vitamini, proteinlə zəngindir. 

Çuğundur 

Çuğundur beyin üçün ən faydalı qidalardan biridir. Çuğundur iltihabı azaltmağa kömək edir, xərçəngdən qoruyan antioksidanlarda zəngindir.

Çuğundurun tərkibindəki təbii nitratlar əslində beyinə qan axınını artıraraq zehni performansa kömək edir. Üstəlik, çətin məşqlər zamanı çuğundur həqiqətən enerji və performans səviyyələrini artırmağa kömək edir. 

Giləmeyvələr 

Qaragilə və digər giləmeyvələr (çiyələk, böyürtkən, moruq və s.) mütəxəssislərin gündəlik istehlak etməyi tövsiyə etdikləri meyvələrdir. Çünki onlar C vitamini, K vitamini və lif də daxil olmaqla mühüm antioksidant mənbələrindən biridir. Qaragilə beynimizi degenerasiyadan, yaddaşımızı zəifləmədən və stresdən qoruyur. 

Sümük suyu 

Sümük suyu bağırsaqlarınızı sağaltmaq üçün ən yaxşı qidadır və öz növbəsində yaddaşa kömək edir. Bu qida immunitet sisteminizi gücləndirməkdən tutmuş oynaqların sağlamlığını yaxşılaşdırmağa və qida allergiyasını aradan qaldırmağa qədər faydalıdır.

Yüksək kollagen səviyyələri bağırsaq iltihabını azaltmağa kömək edir və prolin və qlisin kimi müalicəvi amin turşuları immunitet sisteminizin düzgün işləməsini təmin edir və yaddaşı yaxşılaşdırmağa kömək edir.

Kərəviz 

Tərkibindəki yüksək səviyyəli antioksidantlar və polisaxaridlər təbii antiinflamatuar kimi fəaliyyət göstərir və oynaq ağrısı və qıcıqlanmış bağırsaq sindromu kimi iltihabla əlaqəli simptomları aradan qaldırmağa kömək edir. Arıqlamaq istəyirsinizsə, kərəviz əla seçimdir.

Qoz

Hətta gündə bir neçə ədəd qoz yemək yaddaşınızı yaxşılaşdırmağa kömək edə bilər.

Yüksək səviyyədə antioksidantlar, vitaminlər və minerallarla zəngin qozun  tərkibində olan E vitamini beyin hüceyrələrini qorumağa və Alzeymer xəstəliyinin qarşısını almağa kömək edə bilər.