Çərşənbə günü Livanın paytaxtı Beyrut yaxınlığında dağ yolunda aşmış Hizbullahın yük maşını hadisəsindən sonra partiyanın silahlarının yayılmasını pisləyən və Hizbullah ilə onun müxalifləri arasında genişlənən ixtilafı əks etdirən tənqid dalğası yaranıb.

Partiyanın şiə icması xaricində yeganə müttəfiqi olan Azad Vətənpərvər Hərəkat qeyri-qanuni silahların yayılmasını tənqid edib.

Hizbullahın döyüş sursatı daşıyan yük maşını çərşənbə gecəsi xristianların çoxluq təşkil etdiyi Kahaleh bölgəsində aşıb. Sakinlərlə Hizbullah üzvləri arasında toqquşma və gərginlik yaranıb, nəticədə iki nəfər ölüb.

FPM-in bəyanatında deyilir: "Kahaleh şəhərində baş verənlər, çürüməkdə olan dövlətin və sarsıdıcı cəmiyyətin qaçılmaz təhlükəsi üçün xəbərdarlıq siqnalıdır".

"dogruxeber.tv"ın məlumatına görə, FPM siyasi şurasının üzvü Valid əl-Aşqar “Şərq Əl-Avsat”a deyib ki, “Biz əvvəldən silahın İsrailə yönəldiyini demişdik, lakin daxilə doğru yönəldildiyində bununla bağlı ehtiyatlarımızı bildiririk”.

Bu arada Kataeb partiyasının rəhbəri, millət vəkili Sami Gemayel hadisəni pisləyərək deyib: - “Biz Livanda silahlı milislərlə birgə yaşamağa hazır deyilik”.

O, davam edərək bildirib ki, - “Livan təhlükəli vəziyyətdədir və biz bu şəkildə davam edə bilmərik. Biz geri dönüşü olmayan nöqtəyə çatırıq və bütün bölgələrdəki problemlər bir-biri ilə bağlıdır və silahların dövlət çərçivəsindən kənarda olmasının nəticəsidir”.

Ötən gün Livan Ordusu verdiyi açıqlamada, Beyrut yaxınlığındakı bir qəsəbədə çərşənbə günü gecə Beyrut-Dəməşq magistral yolunda aşmış Hizbullaha məxsus yük maşınında bir yük sursat ələ keçirildiyini bildirib.

Məlumata görə, insident şəhər sakinləri ilə partiya üzvləri arasında gərginliyə və toqquşmaya səbəb olub, nəticədə iki nəfər ölüb.

“Yük maşınının sursat dolusu hərbi təyinatlı obyektə daşınıb və aidiyyəti məhkəmə orqanlarının nəzarəti altında araşdırmalara başlanılıb”, - deyə məlumatda bildirilir.

Ədliyyə mənbələri Asharq Al-Awsat-a bildiriblər ki, ibtidai istintaqa Dövlət Prokurorluğu və Hərbi Məhkəmədəki hökumət komissarı nəzarət edir.

dogruxeber.tv
Gültəkin Talıbqızı