"Bu gün sinif otaqlarının qapı qolları içəridən daha tez xarab olur, nəinki çöldən. Çünki şagirdlərin sinifdən çıxma tezliyi, sinfə girmə tezliyindən daha böyükdür. Biz bunu bir şəkildə çevirməliyik".
DogruXeber.tv xəbər verir ki, bu sözləri Təhsil İnstitutunun direktor müavini Fuad Qarayev bildirib.

"O müəllimlər ki, şagirdlər tərəfindən çox sevilirlər, uşaqlar hər zaman o müəllimlərin yanında zaman keçirməyi daha çox sevirlər. Bəzən müəllim sinifdə səsini yüksəltmək ehtiyacı duyur. Bu nə vaxt baş verir?

İki qarşılıqlı ünsiyyət quran insan qarşıdakının onu dinləmədiyini hiss etdikcə, onda səsin tonu hər zaman artır. Yəni əgər qəlbinə, beyninə toxuna bilmirsə, o zaman o səsin tonu artır.

Müəllimin bu gün birinci işi şagirdin qəlbinə toxuna bilməkdir. Mən belə düşünürəm ki, şagirdin beyninə gedən yol onun qəlbindən keçir. Birinci sevəcək, özünü sevdirəcək, mərhəmətli olacaq, dinləyəcək, empatiya edəcək və ondan sonra şagirdə nələr öyrətməyə çalışacaq".//ajans.az