Ayaqları dəmir zəncirdə olan və sərbəst gəzə bilməyən iki yaşlı filin Hanoy ictimai zooparkında rəftarı Vyetnamda hiddət doğurub, heyvan hüquqları qrupları cütlüyün köçürülməsini tələb edib.

Qruplar iki dişi filin - Tay və Bananqın milli parka buraxılmasını tələb edir və 70,000-ə yaxın insan dəstək üçün onlayn petisiya imzalayıb.

Dövlət mediası da son həftələrdə bu hadisəni geniş şəkildə işıqlandırıb.

Bu gün səhər, zoopark işçiləri onlara ot və şəkər qamışı yedizdirərkən cütün ayaqları zəncirlənib,

"dogruxeber.tv" xəbər verir ki, - "Fillər olduqca qəddardırlar. Qırılan elektrik hasarına görə biz onları zəncirləməli olduq", - anonimlik şərti ilə zooparkın əməkdaşı AFP-yə bildirib.

İşçilər bildiriblər ki, iki fil 2010 və 2014-cü illərdə ölkənin cənub və mərkəzi dağlıq ərazilərindən zooparka gətirilib.

- "Onlar eyni sürüdə deyildilər. Onlar arasında döyüşün qarşısını almaq və baxıcıların təhlükəsizliyini təmin etmək üçün əlimizdən gələni etməli olduq" - deyə zoopark işçisi və heyvanlara yaxşı qulluq edildiyini və gündə üç dəfə yemək verildiyini əlavə edib.

Lakin, Animals Asia bu ayın əvvəlində şəhər rəhbərliyinə məktub göndərərək canlıları ölkənin mərkəzi dağlıq ərazilərindəki Yok Don Milli Parkındakı cəngəlliyə qaytarmağa çağırıb.

Qrup məktubda- "Hanoy zooparkındakı fillər çox uzun müddətdir ki, zəncirlənib" - deyə qeyd edib.

- “Bu iki fil belə qalsa, sağlamlığı pisləşəcək”.

Vyetnam Animal Eyes adlı yerli heyvan müdafiəçiləri qrupu, avqustun əvvəlində cütlüyün zooparkdan çıxarılması üçün petisiyaya başlayıb.

Zoopark direktoru Le Si Dung, dövlət mediasına görə, heyvanların azad edilməsinə təkan verməyi "məntiqsiz" adlandırıb.

- "60-70 yaşlı iki fil 10 ildən artıqdır ki, bizim zooparkımızdadır... Yemək axtarmağı və ya özlərini qorumağı bilmədiklərindən təbiətə qaytarılsalar, öləcəklər", - deyə bu barədə "Dan Tri" xəbər saytı məlumat yayıb.

Animals Asia-nın heyvanların rifahı üzrə direktoru David Neale, AFP-yə bildirib ki, fillər təbii davranışlarını yerinə yetirə bilmədiklərindən məyus olublar.

"Yok Don Milli Parkı... filin yaxşı yaşaması və xoşbəxt yaşaması üçün lazım olan bütün elementlərə malikdir" - deyə bildirib.

Digər heyvansevərlər zooparkın fillərin maraqlarına xidmət etmədiyinə inanırlar.

Sosial media istifadəçisi Thanh Nguyen, - "Bu (Hanoy) zooparkı həbsxanaya bənzəyir" - deyə vurğulayıb.

- "Keçən il oraya ilk səfərimdən sonra qəzəbləndim... Heç vaxt geri qayıtmazdım”.

Ekoloji qruplara görə, Vyetnamdakı vəhşi fillərin sayı 1980-ci ildə 2000-dən 2022-ci ildə təxminən 100-ə düşüb.

Əhliləşdirilmiş fillərin sayı da 1980-ci ildə təxminən 600-dən bu gün 165-ə qədər əhəmiyyətli dərəcədə azalmışdır.

dogruxeber.tv
Fatimə Kamalqızı