Anqolanın şimal-şərqindəki Lulo mədənində 203 karat ağırlığında ağ qiymətli almaz tapılıb.

"dogruxeber.tv" "interfax"a istinadən bildirir ki, bu barədə Anqolanın Endiama dövlət müəssisəsi ilə birlikdə bu mədəni işlədən Avstraliyanın Lucapa Diamond şirkəti məlumat verib.

Qeyd edilib ki, bu almaz bu il Lulo mədənində tapılan beşinci, 100 karatdan artıq üçüncü almazdır.

Lulo mədəni 2015-ci ildə istismara verilib. O, çəkisi 100 karatdan çox olan 43 qiymətli almaz istehsal edib. Onların arasında 170 karat ağırlığında unikal çəhrayı almaz da var.

Anqolada tapılan ən böyük almazın çəkisi 404 karat olub. O, 2016-cı ilin fevralında Lulo mədənindən tapılıb və Anqolanın Müstəqillik Gününə görə "4 fevral" adlandırılıb. 2023-cü ildə bu mədəndə cəmi 30.585 karat brilyant istehsal edilib.

Anqola Afrikada Botsvanadan sonra ikinci ən böyük almaz istehsalçısıdır. Keçən il Anqolada 9,8 milyon karat almaz hasil edilib.