Yaponiyanın Sasaquri şəhərində açıq mavi rəngli nadir qurbağa növü tapılıb.

"dogruxeber.tv" japannews-a istinadən xəbər verir ki, Sasaquridə yaşayan cütlük adi yaşıl əvəzinə açıq mavi olan Yapon ağac qurbağasını tapıb. Onlar nəsli kəsilməkdə olan qurbağalar, ilanlar və digər heyvanlar üzrə mütəxəssis, eyni zamanda su həyatı ilə maraqlanan liseylərarası klubda məsləhətçi kimi xidmət edən Yoshimi Ota ilə əlaqə saxlayıblar.

Otanın sözərinə görə, Yapon ağac qurbağaları dərilərində qara, mavi və sarı piqmentlərin olması səbəbindən normal olaraq yaşıl olurlar. Ancaq, mutasiyalar və ya digər səbəblər bəzən mavi və ya açıq mavi rənglə nəticələnə bilər.

Qurbağanın uzunluğu təxminən üç santimetrdir və təxminən 1, ya da 2 yaşındadır.

Hazırda o, Fukuoka şəhərindəki Fukuoka Daiichi Liseyi və Daiichi Universiteti Əczaçılıq Liseyinin tələbələrindən ibarət su həyatı klubu tərəfindən saxlanılır.