Gürcüstan parlamentinin spikeri Şalva Papuaşvili bildirib ki, dövlət başçısı Salome Zurabişvili sabiq prezident Mixail Saakaşvilinin onun “Vahid Milli Hərəkat” partiyası ilə ittifaqda olduğu üçün onun əfv olunması imkanlarını öyrənir.

"dogruxeber.tv" xəbər verir ki, bu barədə TASS məlumat yayıb.

Papuaşvilinin sözlərinə görə, prezident postunu yalnız Saakaşvili və onun partiyası sayəsində saxlayır. O, həmçinin qeyd edib ki, “bütün bunların əfvlə bağlı öz öhdəlikləri var”.

Parlamentin spikeri onu da xatırladıb ki, 2023-cü ildə Salome Zurabişvilinin impiçmenti ilə bağlı səsvermə zamanı Milli Hərəkat onun vəzifəsindən kənarlaşdırılmasının əleyhinə səs verib və ona öz postunu saxlamağa icazə verib.

Mixail Saakaşvili ona qarşı bir sıra cinayət işlərinin olmasına baxmayaraq, 2021-ci ilin oktyabrında vətəninə qayıdıb. Nəticədə Gürcüstanın eks-prezidenti saxlanılaraq həbs edilib.

Saakaşvili özü həbsini siyasiləşmiş adlandırıb və aclıq aksiyasına başlayıb. Daha sonra, 2022-ci ilin mayında eks-prezidentin səhhəti ciddi şəkildə pisləşib, o, müayinə üçün həbsxanadan paytaxtdakı klinikaya köçürülüb. Vəziyyətinə baxmayaraq, o, Gürcüstan siyasətində iştirak etməyə hazır olduğunu dəfələrlə bəyan edib.