"MIT Technology Review" 2025-ci ildə izlənilməsi vacib olan və gələcək illərə ciddi təsir edəcəyi proqnozlaşdırılan ən mühüm texnologiyaları müəyyənləşdirib.

"dogruxeber.tv" xəbər verir ki. yeni ilə qədəm qoyduğumuz qısa müddət ərzində artıq bir sıra təsiredici texnoloji yeniliklərlə qarşılaşmışıq. Şübhəsiz ki, ilin qalan hissəsində daha çox inkişaf baş verəcək.

MIT 2025-ci ildə diqqət çəkəcək inqilabi texnologiyaların siyahısını təqdim edib. Bu texnologiyaların yalnız cari ildə deyil, qarşıdakı onilliklərdə də dünyamıza böyük təsir göstərəcəyi gözlənilir. Siyahıda ən çox diqqət çəkənlər bunlardır:

Vera C. Rubin Rəsədxanası

Çilidə yerləşən güclü teleskop 2025-ci ildən etibarən cənub səmasını 10 il boyunca araşdırmağa başlayacaq. Bu teleskop astronomlara qaranlıq maddəni öyrənmək, Süd Yolu qalaktikasını daha dərindən araşdırmaq və kainat haqqında yeni biliklər əldə etmək imkanı verəcək.

Məhsuldar süni intellekt axtarışları

Son aylarda süni intellekt sahəsində inanılmaz irəliləyişlər baş verib. Xüsusilə "DeepSeek"in ani uğuru, süni intellektin potensialının hələ başlanğıc mərhələsində olduğunu göstərir. MIT də bu fikirlə razıdır və 2025-ci ildə ən mühüm texnoloji sıçrayışlardan birinin üretken süni intellekt axtarışları olacağını bildirir.

Kiçik dil modelləri

Süni intellekt sektorda dominant mövqeyini qorumağa davam edərkən, kiçik dil modelləri bu texnologiyanı adi istifadəçilər üçün daha əlçatan edəcək. Daha böyük və bahalı modellərlə rəqabət apara bilən bu nisbətən az xərc tələb edən sistemlər (məsələn, "OpenAI o3-mini") 2025-ci ildə necə inkişaf edəcəyi ilə böyük maraq doğurur.

Robotaksi

MIT illərdir davam edən sınaqlardan sonra 2025-ci ildə robotaksilərin geniş yayılacaq texnologiyalardan biri olacağını düşünür. Məsələn, "Waymo" bu həftə avtonom sürüş texnologiyasını bu il 10 yeni şəhərdə sınaqdan keçirəcəyini açıqlayıb.

Sürətlə öyrənən robotlar

"Foxconn" fabriklərində istehsalı artırmaq üçün insanabənzər robotlardan istifadə etməyi planlaşdırır. MIT hesab edir ki, süni intellektdəki irəliləyişlər bu texnologiyanın inkişafı üçün həlledici rol oynayacaq. Bu robotlar yeni mühitlərə uyğunlaşaraq qısa müddətdə müxtəlif tapşırıqları yerinə yetirə biləcək.

Effektiv kök hüceyrə müalicələri

2025-ci ildə diqqət yetirilməli olan başqa bir texnoloji sıçrayış isə effektiv kök hüceyrə müalicələri ola bilər. MIT-nin qeyd etdiyi kimi, laboratoriyada istehsal olunan hüceyrələrin təcrübəvi transplantasiyası artıq epilepsiya və 1-ci tip şəkərli diabetin müalicəsində ümidverici nəticələr göstərir.