ABŞ yüzlərlə texnika və nəqliyyat vasitəsini Almaniyadakı bazalarından Ermənistan poliqonlarına köçürmək istəyir.

"dogruxeber.tv" xəbər verir ki, bu barədə Rusiya mətbuatı məlumat dərc edib.

Bildirilir ki, texnikanın daşınması Gürcüstan ərazisindən həyata keçiriləcək. Proses iyulun 16-na planlaşdırılıb və avqustun 7-dək davam etməlidir.

"Ümumilikdə nəqliyyat vasitələri, generatorlar və ixtisaslaşdırılmış konteynerlər də daxil olmaqla 151 ədəd texnikanın daşınması planlaşdırılır", - məlumatda deyilir.

Rusiya hərbi elmlər doktoru Konstantin Sivkovun fikrincə, Amerika qoşunlarının Ermənistandakı fəaliyyəti ABŞ-nin Cənubi Qafqazda təsirini gücləndirməyə şərait yaradır.