"Milli Hematologiya və Transfuziologiya mərkəzində uşaq hematoloji şöbəsində "köhnə qurd" həkimlərlə yeni protokollarla işləyən həkim arasında çox ciddi qarşıdurma var".

"dogruxeber.tv" Pravda.az-a istinadən xəbər verir ki, bu haqda həkim Əli Baxşəliyev bildirib.

Həkim qeyd edib ki, “köhnə qurd” komanda və məhz professor Mireldar Babayev əksəriyyəti səhv və hətta əks göstəriş olan köhnə protokollarla xəstələri müalicə etməyə çalışır və bu səbəbdən də onların "müalicə" etdiyi xəstələrdə ölüm faizi çox yüksəkdir: “Hematolojik xəstəliklərdən dolayı vəziyyətləri müalicə gedişində ağırlaşan heç bir xəstə uşaq bu “qoca qurdlar”ın göstərişi ilə xəstəxanaya qəbul edilmir. Müasir protokollarla müalicə və dispanserizasiyanı həyata keçirməyə çalışan şöbə müdiri isə bütün savadı və enerjisi ilə bunlara qarşı mübarizə aparmağa çalışsa da görünən odur ki, kimsə bu məsələni ictimailəşdirməsə düzələn deyil. Mireldar Babayev deyilən "professor" hətta xəstə uşaqlara və şöbənin həkimlərinə belə əl qaldırmaqdan çəkinmir”.