10 may 1923-cü il.
Ümummilli lider Heydər Əlirza oğlu Əliyev məhz bu tarixdə dünyaya gəlib.
Hər il Azərbaycan xalqı 10 may tarixini milli bayram kimi qeyd edir ona görə ki, xalq bu tarixə minnətdardır.

"dogruxeber.tv" qeyd edir ki, əsası 1918-ci ildə Məhəmməd Əmin Rəsulzadə tərəfindən qoyulan, lakin cəmi 23 ay yaşayan Azərbaycan Xalq Cümhuriyyəti 72 ildən sonra məhz Ulu öndər Heydər Əliyev tərəfindən bərpa olundu. Onun qətiyyəti və uzaqgörən siyasəti nəticəsində müstəqil Azərbaycan siyasi, iqtisadi, mədəni və digər sahələrdə inkişaf "cığır"ını tapdı, həmin "cığır"la da davamlı uğurlar istiqamətində irəlilədi.

Heydər Əliyevin siyasi kursunun layiqli davamçısı İlham Əliyev siyasəti isə artıq bu cığırı sürətlə inkişaf etdirərək, tarixin şanlı səhifələrindən geniş yol açıb.

Bu gün Azərbaycan dünyada mədəniyyəti, idmanı, iqtisadiyyatı, siyasəti, döyüşü və cəmi 44 günə qazandığı böyük, möcüzəvi qələbəsi ilə tanınır.

Bu gün Azərbaycan bütün qürurverici nailiyyətlərini 102 il əvvəl may ayının bu günü dünyaya göz açan, adı dillərdə, sevgisi xalqının ürəyində yaşayan, Azərbaycanımızn tarixinə və taleyinə günəş kimi doğan dahi şəxsiyyət Heydər Əliyevə borcludur.

Biz fəxr edirik ki, o, AZƏRBAYCANLIDIR !

Allah rəhmət eləsin!

Ruhunu böyük ehtiramla anırıq.

dogruxeber.tv