Birləşmiş Ərəb Əmirlikləri sahillərində, Hörmüz boğazında Britaniya tankeri hücuma məruz qalıb.

DogruXeber.tv xəbər verir ki, bu barədə Böyük Britaniya Hərbi Dəniz Qüvvələri nəzdindəki Dəniz Ticarət Daşımalarının Koordinasiya Mərkəzi (UKMTO) məlumat verib.

Qurumun məlumatına görə, hadisə Füceyrə şəhərindən 126 km şimalda baş verib.

Məlumatda qeyd olunur ki, tanker mənşəyi məlum olmayan mərmilərdən atəşə tutulub.

Gəminin heyəti xəsarət almayıb, yanacaq sızması baş verməyib./publika.az