“Xırdalan” və bir çox məşhur pivə istehsalçısı “Carlsberg Azerbaijan” şirkəti ilə bağlı növbəti dəfə cərimə protokolu imzalanıb.

"dogruxeber.tv" Tribunainfo.az-a istinadən xəbər verir ki, pivə istehsalı ilə məşğul olan şirkətdə aparılan yoxlama zamanı məlum olub ki, müəssisə İnzibati Xətalar Məcəlləsinin gömrük qaydaları əleyhinə olan 485.2-ci maddələsinin tələbini pozub.

Tələbi pozulan maddəyə əsasən, Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə, vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir.


Pivə istehsalçısı ilə bağlı işə bu gün saat 15:40-da Abşeron rayon Məhkəməsində baxılacaq. İş hakim Cəmilə Səfiyevanın icraatındadır.

Qeyd edək ki, “Carlsberg Azerbaijan” pivə zavodu Xırdalan şəhərində yerləşən ölkənin ən böyük pivə istehsalçı şirkətidir. “Carlsberg Azerbaijan”ın baş direktoru Vyaçeslav Maltsevdir. Biznesin inkişafı şöbəsinin müdiri isə Yaqub Əlizadədir.

Qarşı tərəfi dinləməyə hazırıq.