dogruxeber.tv: - İsrail və İran arasında illərdir alovlanmaq üçün fürsət axtaran gərginlik, son həftələrdə bir daha alovlanıb. Səhnə dəyişsə də, rollar eynidir: biri “özünü müdafiə” bəhanəsi ilə zərbə endirir, digəri isə “müqavimət” adı ilə qarşılıq verir.

Tel-Əvivin Tehranı nüvə təhlükəsi kimi görməsi artıq beynəlxalq ictimaiyyətin tanıdığı "klassik mövqe"yə çevrilib. Digər tərəfdən, İran da İsraili regionda qeyri-stabilliyin mənbəyi adlandırmaqdan çəkinmir. Hər iki tərəf öz arqumentlərini "sülh" və "təhlükəsizlik" pərdəsi altında təqdim etsə də, əslində oyun qaydaları uzun müddətdir dəyişib: burada sülh yox, geosiyasi təsir savaşı gedir.

Hizbullah, HƏMAS, Suriyadakı mövqelər və Qəzza – bu adlar əslində təkcə qruplaşmalar və coğrafiya deyil, həm də iki dövlətin bir-birinə dolayısı ilə “diş göstərdiyi” platformalardır.

Sual açıq qalır: İran–İsrail müharibəsi baş verərsə, bu yalnız onların savaşı olacaqmı?
Yoxsa bu, daha böyük bir qlobal qarşıdurmanın “giriş səhnəsi”dir?

Bütün bu proseslər fonunda dünya yenidən nəfəsini tutur və “dogruxeber.tv” olaraq regiondakı hər gəlişməni diqqətlə izləməyə davam edirik.