İran prezidenti Məsud Pezeşkian bəyan edib ki, Tehranda artıq yaşamaq mümkün deyil.

"DogruXeber.tv" xəbər verir ki, o, paytaxtın köçürülməsinin qaçılmaz olduğunu bildirib.
“Hazırda heç bir alternativimiz qalmayıb” deyə bildirən Pezeşkian qeyd edib ki, Tehranı daha çox əhali və tikinti ilə yükləyə bilməzlər. “İnkişaf mümkündür, amma su problemini həll etmək qeyri-mümkündür”.

Qeyd edək ki, İranın paytaxtının dəyişdirilməsi məsələsi xeyli əvvəl də ciddi müzakirə mövzusu olub. Bu zaman şəhərin iki aktiv zəlzələ xəttinin üzərində yerləşməsi arqument kimi göstərilirdi. İndi isə su və urbanik problemlər ön plana çıxıb.
Bilddirək ki, Pezeşkian və komandası paytaxtın cənub ərazilərindən birinə köçürülməsini təklif edir. Bunu daha optimal varinat hesab edirlər.
Lakin SEPAH-ın daxilindəki qrupların bu məsələdə iki təklifi var. Tribunainfo.az xəbər verir ki, bu planlardan biri paytaxtın yerində qalmasıdır. Bu təklifi irəli sürənlər hazırkı paytaxtın bütün problemlərindən xəbərdar olduqlarını və onun aradan qaldırılmasının mümkünlüyünü qeyd edirlər.
Lakin daha təhlükəli planla çıxış edənlərin hədəfində Təbriz şəhəri var. Bütöv Azərbaycanın paytaxtını İranın paytaxtı olmasını istəyənlər heç də bununla yaxşılıq etmək fikrində deyillər. Həmin məkrli plan ondan ibarətdir ki, Təbrizi İranın paytaxtı etməklə Güney Azərbaycan məsələsini tamamilə bağlamaq fikrindədirlər.
Belə ki, hazırda Güney Azərbaycanın İrandan ayrılaraq, müstəqil dövlət olma ehtimalları var. Bunun nə zamansa baş verəcəyi dünyanın siyasi dairələridən müzakirə mövzusu olub və olacaq. Lakin paytaxtı Təbrizə köçürərlərsə, o zaman Güney Azərbaycan məsələsi birdəfəlik qapanmış olacaq. Çünki heç bir dövlətin paytaxtı ayrılaraq, müstəqil dövlət olmaq şansına sahib ola bilməz.
İkinci bir məsələ isə qədim Azərbaycan şərhərinin etnik tərkibinin dəyişdirilməsidir. Əgər Təbriz paytaxt olarsa, şəhərin böuüməsi və etnik tərkibinin dəyişməsi qaçılmaza çevriləcək. Nəticədə, Tehran kimi Təbriz də tipik fars şəhərlərindən birinə çevriləcək ki, bu da milli kimliik mövzusunun qapanması deməkdir.