Avropa diplomatiyasının rəhbəri Kaya Kallas Qırmızı dənizdə, Fars körfəzində və Hind okeanında "Aspides" dəniz müdafiə missiyasının gücləndirildiyini elan edib.

"Dogruxeber.tv" xəbər verir ki, bu barədə "Ynet" nəşri yazıb.

"Aİ diplomatik xidmətinin rəhbəri missiyanın qorunma ilə bağlı müraciətlərdə "kəskin artım"la qarşılaşdığını və dəniz təhlükəsizliyini gücləndirmək üçün əlavə gəmilərlə təmin ediləcəyini aydınlaşdırıb", - KİV mənbələrə istinadən yazıb.

Xatırladaq ki, fevralın 28-də ABŞ İsraillə birlikdə İrana qarşı hərbi əməliyyata başlayıb. Prezident Donald Tramp xalqa müraciətində hücumları Tehranın nüvə ambisiyalarından imtina etmək istəməməsi ilə bağlı "tükənmiş səbr"lə əlaqələndirib. Buna cavab olaraq İran İsrailə və Yaxın Şərqdəki Amerika hava bazalarına raket və pilotsuz təyyarələrlə hücumlar edib.

Bunun ardınca Fransa, Almaniya və Birləşmiş Krallıq liderləri İslam Respublikasının Fars körfəzi ölkələrinə qarşı "ayrı-seçkilik etməyən və qeyri-mütənasib" hücumlarına qarşı qəzəblərini ifadə ediblər və Tehranı hücumları dayandırmağa çağırıblar.