Moskvada azərbaycanlı bloger Hüseyn Həsənovun "bank soyğunçuluğu" paytaxt polisini ayağa qaldırıb.

Həsənovun zarafat kimi hazırlayaraq yaydığı video polis tərəfindən ciddi qəbul edilib.

Xəbərə görə, o, bankda oğurluq edəcəyi barədə zarafatyana video çəkərək görüntüləri 4,5 milyon izləyicisi olan instaqram səhifəsində yayımlayıb. Videoda üzündə maska və əlində silah olan cavan oğlan bankı qarət etməyə hazırlaşdığını bildirirdi.

Nəticədə, blogerin mənzilinə 8 polis basqın edib. Polis mənzildə heç nə aşkar etməsə də, Həsənov və dostu polis bölməsinə aparılaraq dindirilib.

Yalan məlumat yarmaqda ittiham olunan dostlar barəsində cinayət işi qaldırılıb.