Türkiyənin Kayseri şəhərində Ərciyəz Universitetinin Mədəniyyət Mərkəzində “Nar bağı” filmi nümayiş olunub.
APA-nın məlumatına əsasən, tədbirdə ali məktəbin Ədəbiyyat fakultəsinin rəhbərliyi, müəllim və tələbələr iştirak edib.
Filmin nümayişi Ərciyəz Universitetinin İncə sənətlər bölməsinin rəhbərliyi və ali məktəbin azərbaycanlı müəllimləri Nigar Əsgərova və Əsli Əliyevanın təşkilatçılığı ilə baş tutub.
Ekran əsəri tamaşaçılar tərəfindən böyük maraqla izlənib. Nümayişdən sonra filmin quruluşçu rejissoru İlqar Nəcəflə görüş keçirilib və o, tamaşaçıların suallarını cavablandırıb.
Sonda Ərciyəz Universitetinin rektor müavini professor Dr. Karamehmet Yıldız ali məktəbin adından İ.Nəcəfə təşəkkürnamə təqdim edib.
Qeyd edək ki, “Azərbaycanfilm” kinostudiyası və “Buta Film” kino şirkətinin birgə istehsalı olan “Nar bağı” filmi bir sıra beynəlxalq müsabiqələrdə yüksək mükafatlara layiq görülüb.

@dogruxeber.tv