Bakıda sosial şəbəkə vasitəsi ilə dələduzluq edən bir nəfər saxlanılıb.


Xezerxeber.az-ın məlumatına görə, həvəskar aktyora qarşı dələduzluq olub.


Şirvan şəhər sakini Rəsul Mehdiyev paytaxtın Nərimanov rayon 18-ci polis bölməsinə məlumat verib ki, ''instagram'' sosial şəbəkəsində tanış olduğu Ramin İsmayılov adlı şəxs onun mobil telefonunu dələduzluq yolu ilə ələ keçirib.


Sosial şəbəkələrdə tanış olduğu insanları dələduzluq yolu aldadan şəxsin saxlanılması istiqamətində polislər tərəfindən əməliyyat keçirilib. Bölmə əməkdaşları ''Dublaj.Vine.Baku'' adlı səhifənin istifadəçisi Bakı şəhər sakini, əvvələr məhkum olunmuş Ramin İsmayılovu saxlayıb. O, ifadəsində törətdiyi cinayət əməlini etiraf edib.


Qeyd edilən faktla bağlı araşdırmalar davam etdirilir. Polis əməkdaşları dələduzluq etməkdə şübhəli bilinən Ramin İsmayılovun digər analoji cinayətlərdə iştirak etdiyini də istisna etmir.