UEFA son Albaniya çempionu "Skenderbeu” futbol klubunu 10 il müddətinə avrokuboklardan kənarlaşdırıb.
Klub danışılmış oyunlarda iştirak etməkdə təqsirləndirilib.

UEFA müfəttişlərinin hazırladığı raportda 50-dən çox danışılmış oyunun adı qeyd edilib.

"Skenderbeu”nun 2015-2016-cı il mövsümündəki çempionluğu da ləğv edilib. Klub, həmçinin 1 milyon avro cərimə olunub.

Qeyd edək ki, "Skenderbeu” 2016-2017-ci il mövsümündə 1 il avrokuboklardan kənarlaşdırılmış və çempionluğu əlindən alınmışdı.