Ermənistan polisi aprelin 20-də İrəvan küçələrini blokadaya alan müxalifət fəallarının həbsini davam etdirir. Son məlumata görə, həbs olunanların sayı 65 nəfərə çatıb.

Xezerxeber.az TASS informasiya agentliyinə istinadla xəbər verir ki, bu barədə güc strukturunun mətbuat xidməti məlumat yayıb. Ermənistan parlamentinin deputatı Edmon Marukyan jurnalistlərə bildirib ki, Vətəndaş Müqaviləsi partiyasının və parlamentdəki "Elk” ("Çıxış”) müxalifət fraksiyasının lideri, Nikol Paşinyanın oğlu – Aşot Paşinyan da həbs olunanlar arasındadır.

Hazırda İrəvanda vəziyyət gərgin olaraq qalır, müxalifətin nümayişi davam edir.

Xatırladaq ki, Serj Sarkisyanın Ermənistanın baş naziri seçilməsinin əleyhinə keçirilən etiraz aksiyaları aprelin 13-dən başlayıb. Müxalifət Sarkisyanı ölkəni qeyri-effektiv idarə etməkdə və iqtisadi vəziyyətin pisləşməsində ittiham edir. Aprelin 16-da parlament binasına tərəf yürüş edən mitinq iştirakçıları ilə polis arasında baş verən toqquşma nəticəsində onlarla insan xəsarət almışdı.