Məişət Maye Qaz” QSC-nin 2017-ci ilin yekunlarına görə illik hesabatı açıqlanıb.

2017-ci ilin dekabrın 31-nə şirkətin balans dəyəri 14 mln. 637,842 min manat olub. 2016-cı il ilə müqayisədə 2017-ci ildə “Məişət Maye Qaz”ın alıcılar və sifarişçilərinin debitor borcları 2,189 mln. manat və ya 48,7% azalaraq 2 mln. 306,732 min manat təşkil edib.


“Məişət Maye Qaz” 2016-cı il ilə müqayisədə ötən il vergilər üzrə ödənişləri 388,328 min manat və ya 29,76% artırıb. Şirkətin ötən il işçi heyət üzrə xərcləri 1 mln. 795,463 min manat, işçi heyəti üzrə sosial sığorta ayırmaları 393,722 min manat təşkil edib.

Müqayisə olunan dövrdə “Məişət Maye Qaz”ın qısa müddətli kreditor borcları 8,8 dəfə və ya 6 mln. 110,622 min manat azalaraq 782,999 min manat olub. Ötən il şirkətin əsas fəaliyyət üzrə satəşdan gəlirləri 16 mln. 367,853 min manat olub.


2017-ci ildə “Məişət Maye Qaz” 602,259 min manat xalis mənfəət əldə edib ki, bunun da 120,452 min manatı mənfəət vergisinə yənəldilib. “Məişət Maye Qaz” QSC-nin 2017-ci ilin nəticələrinə görə səhmdarlara (təsisçilərə) cəmiyyətin 2017-ci ilin yekunlarına görə ümumilikdə çatacaq (ödənilməmiş) 481 min 807,14 manat məbləğdə xalis mənfəət QSC-nin 2017-ci il üzrə istehlak fondu xərclərinin bağlanmasına yönəldiləcək.


Qeyd edək ki, “Məişət Maye Qaz” maye qazın alınması, satışı və nəqli, maye və təbii qaz təsərrüfatı obyektlərinin quraşdırılması və istismarı fəaliyyəti ilə məşğuldur. /apa