Səudiyyə Ərəbistanı hava yollarına məxsus sərnişin təyyarəsi havaya qalxandan bir neçə dəqiqə sonra qəza enişi edib.

dogruxeber.tv-ın məlumatına görə, Mədinə-Dəkkə marşrutu üzrə uçan sərnişin təyyarəsinin qabaq şassisində texniki nasazlıq yaranıb və təkərlər açılmayıb. Laynerin əsas pilotu türkiyəli Ümit Atlatırlar təyyarəni bu vəziyyətdə Ciddə şəhərinə endirmək məcburiyyətində qalıb.
Eniş zamanı sürtünmənin təsirindən yarana biləcək yanğın təhlükəsini nəzərə alan pilot, əvvəlcə yanacağı sərf edib. Bunun üçün o, havada 3 saat dövrə vurub. Ardınca türkiyəli pilot layneri burnu üstə yerə endirib. Sürtünmənin təsirindən qığılcımlar əmələ gəlsə də, güclü yanğın baş verməyib. Hadisə zamanı göyərtədə 141 sərnişin və 10 ekipaj üzvü olub. 50-yə qədər sərnişin yüngül xəsarətlər alıb.