Xəbər verdiyimiz kimi, Lotu Quli İstanbulda 36 yaşlı “qanuni oğru” Nikolay Dqeçuadzenin (Nika Qaqrinski) toy mərasimində iştirak edib. “Esa Royal Park” əyləncə mərkəzində keçirilən toyda keçmiş post-sovet ölkələrindən çıxmış əksər oğrular iştirak edib.
Məlumata görə, Roland, Mzarela, Qoça, Nukri, Kuşner, Çoban kimi oğrularların ən əziz qonağı isə Lotu Quli olub. Məclisdə kriminal dünyanın generalları öz xanımları ilə iştirak edib.
Məclisdə sağlıqların əksəriyyəti də Qullinin ünvanına səslənib. Daha sonra Lotu Quli öz xanımı ilə rəqs edib.
Toyda Qulini İlham Hacıyev adlı avtoritet müşayiət edib. Toyun səhəri isə Quli Dubaya qayıdıb.