Lənkəran rayon İcra Hakimiyyətinin başçısı Taleh Qaraşovla bağlı yaxın günlərdə qərar verilə bilər. Xatırladaq ki, bir neçə gün əvvəl Qaraşovun Bakıya – Hacıbala Abutalıbovun yerinə mer təyin olunacağı haqda informasiyalar yayılmışdı. Amma sonradan DİA.AZ-a məlumatla bağlı açıqlamasını yollayan sözügedən RİH sözçüsü yayılmış xəbəri təkzib etdi.

DİA.AZ-a son olaraq daxil olan informasiyalardan isə aydın olur ki, Taleh Qaraşov həqiqətən də Lənkəranda çox oturmayacaq. Mənbənin dedikləri:

“Yaxın vaxtlarda qərar rəsmən elan olunacaq. Lənkərana yeni başçı gətirilir. Taleh Qaraşov isə mütləq yeni təyinatla mükafatlandırılacaq. Onun hansı posta təyin olunacağı dəqiqləşdirilir”.