“Azərbaycan güclü dövlətdir və ölkəmizdə heç bir təxribat baş tuta bilməz . Bunu ölkəmizin düşməni də yaxşı bilir”.

Son günlər ölkəmizdə yaşanan enerji və bəzi komunal çətinliklərlə bağlı Azinforum.az-a fikirlərini bildirən Prezident yanında QHT-lərə Dövlət Dəstəyi Şurasının üzvü , BMAM sədri Rufiz Qonaqov bildirib ki, “Hər bir vətəndaş istənilən çətinlik və problemin həllində ilk növbədə Prezident İlham Əliyevə və dövlətimizə güvənir . Azərbaycan güclü dövlətdir və ölkəmizdə istənilən təxribatlar törətmək mümkün deyil .Bunu ölkəmizin düşməni də bilir. Dünyanın hər bir ölkəsində enerji , kommunal kimi problemlər, təbii fəlakətlər baş verə bilir. Bundan heç bir ölkə sığortalanmayıb . Hər gün müxtəlif ölkələrdə yüzlərlə belə hallar baş verir. Bu müvəqqəti çətinlik də artıq arxada qalacaq. Günahkarlar sözsüz ki, cəzasını alacaq. Bu məsələlər ölkə Prezidenti, cənab İlham Əliyevin birbaşa nəzarətindədir. Prezidentin sərəncamı ilə artıq müvafiq Dövlət Komissiyası da yaradılıb . Ən qısa zamanda Dövlət Komissiyası bununla bağlı bütün məsələlərə aydınlıq gətirəcək .Bütün vətəndaşlarımız təmkinli olmalı, sosial şəbəkələrdə hər hansı panika yayanlara inanmamalıdır. Ölkəmiz müharibə şəraitindədir və bundan istənilən təxribatlar törətmək və dezinformasiyalar yaymaq istəyənlərə şərait yaratmaq olmaz.