Bu gün Bakı Ağır Cinayətlər Məhkəməsində həyətində narkotik yetişdirməkdə və istifadə etməkdə təqsirləndirilən Vadim Breus Vladimiroviçə hökm oxunub.

Səbuhi Hüseynovun icraatında olan prosesdə məhkəmə kollegiyasının hökmü ilə V.Bresu 4 il müddətinə azadlıqdan məhrum edilib.

O, son sözündə cinayəti etiraf etdiyini və peşman olduğunu bildirib. İttihama görə, V. Breusun Binə qəsəbəsində yerləşən mənzilinə baxış keçirilən zaman xüsusi qulluq edilərək yetişdirilən 54 ədəd ümumi çəkisi 5 kiloqram 168 qram olan çətənə bitkisi, 177 qram qurudulmuş və 150 qram qurudulmamış marixuana aşkar olunaraq götürülüb. V.Breus ifadəsində narkotik tərkibli bitkiləri şəxsi istifadəsi üçün əkdiyini deyib. qafqazinfo

Murad Əhməd