Gözlənilən hava şəraiti ilə əlaqədar dünən “Azərsu” ASC-də rayon Sukanal İdarələrinin rəhbərləri ilə geniş iclas keçirilib.

Bu barədə məlumatı qurumun mətbuat xidmətinin rəhbəri Anar Cəbrayıllı verib. O bildirib ki, iclasda gücləndirilmiş iş rejimində çalışmaqla bağlı müvafiq tapşırıqlar verilib:

“Çalışacağıq ki, həmin günlərdə də, əhalini əvvəlki qaydada, yəni 24 saat su ilə təmin edək. O cümlədən, əhalinin içməli su təhcizatında yarana biləcək hər hansı bir problemi qısa müddətdə aradan qaldıra biləcəyik”.