Beləki,uzun müddətdir ki Şirvan şəhər sakinləri fərdi yaşayış yeri üçün torpaq sahəsi almaq məqsədilə Şirvan şəhər Bələdiyyəsinə müraciət etmələrinə baxmayaraq vətəndaşlara Daşınmaz Əmlakin Kadastr və Ünvan Reyestri xidmətinin Kadastr və Yerquruluşu Layihə Tədqiqat Mərkəzinin 13 saylı Şirvan layihə Tədqiqat idarəsi tərəfindən ancaq "İmtina" rəyi verilir.!
Verilən "İmtina"- nın səbəbini soruşduqda isə, sözü gedən idarə tərəfindən Şirvan şəhərində Bələdiyyə ərazisində şəhərin perspektiv inkişaf fondu daxilində "Örüş" torpaqları olduğu bildirilir...
Beləki, 2017 çi ilin fevral ayında Kadastr və Yerquruluşu Layihə Tədqiqat idarəsi Əmlak məsələləri Dövlət komitəsi haqqında əsasnamənin 2.0.6 - cı bəndini kobud şəkildə pozaraq , Şirvan şəhəri üzrə yaşayış Məntəqələri torpaqlarının kontur sərhədlərini özbaşına dəyişməklə Hektarlarla örüş torpaqları yaratmışlar...
Bu da, ərazidə , yəni Şəhərin F.X.Xoyski küçəsində vətəndaşların fərdi yaşayış evlərinin tikintisi üçün nəzərdə tutulan 20.5 hektar torpaq sahəsinə böyük problem yaradır..
Şirvan şəhərində fərdi yaşayış evləri üçün nəzərdə tutulan Hektarlarla torpaq sahəsinə, kimlərin tapşırığı ilə "Örüş" torpaqlarının necə peyda olunmasının səbəbini bilməsəkdə, təkcə bunu bilirik ki Əsasnamənin qeyd olunan bəndi tələb qoyur ki, Dövlət, Bələdiyyə və xüsusi mülkiyyətdə olan torpaqlara münasibətdə, torpaqların elektron daşıyıcısında hər hansı bir dəyişiklik olarsa dərhal Prezident Adminstrasiyasına arayış təqdim olunmalıdır.!!!
Şirvan şəhərinin Baş planınında isə sözü gedən " Örüş" sahəsi olan torpaqlar, yaşayış məntəqələri torpaqları kimi göstərilmişdir.
Buradan belə nəticəyə gəlmək olar ki, şəhərin F.X.Xoyski küçəsində 20.5 hektar fərdi yaşayış evləri üçün nəzərdə tutulan torpaq sahəsinin təyinatı , Əmlak məsələləri Dövlət komitəsinin aidiyyatı qurumları tərəfindən özbaşına dəyişdirilərək," Örüş" torpaqları kimi göstərilmişdir.
Biz yəqin edirik ki, Əmlak məsələləri üzrə Dövlət komitəsinin sədri Cənab Kərəm Həsənovun bu işlərdən xəbəri yoxdur.Əks halda Azərbaycan respublikası Nazirlər kabinetinin qərarından da göründüyü kimi " Şirvan şəhərinin mövcud hüdudlarından kənarda olan kənd təsərrüfatı təyinatlı torpaqlar" ı, gətirib əhalinin və vətəndaşların yaşadığı əraziyə salmazdılar...
Şirvan şəhərinin sakinləri adından bu problemin həll edilməsi üçün, başda Ölkə Prezidenti Cənab İlham Əliyevdən və həmçinin aidiyyatı qurumlardan xahiş edirik ki, vətəndaşların narazılığına səbəb olan bu məsələ tez bir zamanda öz həllini tapsın.
Bizi izləməyi unutmayın !!! Tereqqi.az