İran parlamentinin Milli Təhlükəsizlik məsələləri üzrə komitəsinin rəhbəri Möcab Zonnur ABŞ-ın bu ölkəyə hücum edəcəyi təqdirdə İsrailə qarşı hərbi əməliyyatların başlanacağına söz verib.

Bu barədə “Reuters” məlumat yayıb.

Zonnur bildirib ki, Birləşmiş Ştatlar İrana hücum etsə, İsrail 30 dəqiqə tab gətirə bilməyəcək.

Komitə başçısının sözlərinə görə, İranın ağır dağıdıcı silah arsenalı var.

Virtualaz.org xatırladır ki, İran ilə ABŞ arasındakı əlaqələr İran ordusu ABŞ-ın pilotsuz uçuş aparatını vurandan sonra kəskinləşib. Hadisədən sonra Birləşmiş Ştatlar İrana dəqiq zərbələr endirmək üçün xüsusi hərbi əməliyyatlara başlamağa hazırlaşdı. Amma son anda, Prezident Donald Trampın dediyi kimi, İranın hərəkətlərinə uyğun olmadığını düşünərək, ondan imtina etdi.