Türkiyənin turizm bölgəsi olan Alanyada 24 yaşlı azərbaycanlı dənizdə boğulub.

“dogruxeber.tv” Türkiyə KİV-nə istinadən xəbər verir ki, Ramil Zeynalov adlı Azərbaycan vətəndaşı dostları ilə birlikdə dənizə çimməyə girib. Bir qədər sonra batmağa başlayan Ramili sahilə çıxarıblar və hadisə yerinə təcili yardım çağırıblar.

Tibb işçilərinin müdaxiləsinə baxmayaraq xəstəxanaya aparılan gəncin həyatını xilas etmək mümkün olmayıb. Zeynalovun cəsədi məhkəmə-tibbi ekspertizası mərkəzinə aparılıb, polis araşdırma aparır.