Millət vəkili Rəfael Cəbrayılov mandatından imtina etməsi ilə bağlı Milli Məclisə müraciət edib.

dogruxeber.tv xəbər verir ki, bu barədə parlamentin Hüquq siyasəti və dövlət quruculuğu komitəsinin sədri Əli Hüseynli deyib.

Rəfael Cəbrayılov müraciətində seçicilərdən, xalqdan və deputatlardan üzr istəyib.

Qeyd edək ki, millət vəkili Təranə Fətəliyeva və Xatirə Nəcəfova adlı vətəndaşlardan toplam olaraq 600 min dollar məbləğində borc pul alması və borc qarşılığında deputat vəsiqəsini girov qoyması barədə xəbərlərlə, bir-birinin ardınca yayılan video və səs yazısı ilə ifşa olunur.

Son səs yazısında isə Rəfael Cəbrayılov pulu qaytaracağı vədini verir./Publika.az