Ölkənin cənub rayonlarından olan Biləsuvarda Şəhidlər Xiyabanı baxımsız vəziyyətdədir.

dogruxeber.tv xəbər verir ki, redaksiyamıza göndərilən fotoda rayon sakinləri Biləsuvarın Şəhidlər Xiyabanının baxımsız vəziyyətdə olmasından gileyləniblər.

Bildiyiniz kimi ölkənin hər bir rayonunda vətən uğrunda canlarından keçən şəhidlərimizin adının əbədiləşdirilməsi üçün ölkə başçısı tərəfindən Şəhidlər Xiyabanı salınıb. Bura isə daim nəzarət etmək rayon rəhbərliyinin üzərinə düşür. Təbii ki, vaxtında xiyaban təmizlənməli, təmirə ehtiyacı olan yerləri yenidən təmir edilməlidir. Amma çox təəssüflər olsun ki, Biləsuvar rayon Şəhidlər Xiyabanının redaksiyamıza göndərilən fotosundan məlum olur ki, rayon rəhbərliyi burayla maraqlanmır. Şəhidlər Xiyabanında tikilən məşəlin bir neçə yerindən mərmər daşları qoparaq yerindən düşüb. Bundan əlavə xiyabanın ətrafını alaq otları basıb. Sakinlər bildiriblər ki, burayla demək olar ki, maraqlanan yoxdur. /Moderator.az