Azərbaycana daxil olan məhsullar karantindən keçiriləcək.

Bunu Azərbaycan Qida Təhlükəsizliyi Agentliyinin (AQTA) sədri Qoşqar Təhməzli Xarici Ticarət İştirakçılarının 2-ci Respublika Forumunda deyib.

O qeyd edib ki, bu sistem gələn ildən tətbiq ediləcək. Azərbaycana idxal olunan məhsullara münasibətdə idxal-karantin sisteminin tətbiqi həyata keçiriləcək.

Q.Təhməzli əlavə edib ki, gömrük-keçid məntəqələrinə yaxın məsafələrdə heyvan, bitki mənşəli və digər qida məhsullarına münasibətdə vahid məntəqələrdə qida təhlükəsizliyinə görə risklərin dəyərləndirilməsi keçiriləcək: "Bu sistem ölkəyə idxal olunan qida məhsullarının həm çevik şəkildə idxalına, həm də təhlükəsizlik göstəricilərinin təmin olunaraq əhalinin sağlamlığının qorunmasına öz töhfəsini verəcək".