Polşa Prezidenti Andjey Duda pandemiyaya baxmayaraq, ölkədə prezident seçkisinin planlaşdırıldığı - 10 may tarixində keçiriləcəyini deyib.

Bu barədə prezident “Gazeta Polska”ya verdiyi müsahibədə bildirib.

Onun sözlərinə görə, əks təqdirdə ölkə xaosa sürüklənər:

“Polyaklar üçün təhlükəli olduğunu söyləyən hər kəs seçkilərin olmamasının dövlətin iflic olmasına səbəb olacağını başa düşməlidir. Epidemiya və bunun səbəb olduğu iqtisadi böhranla mübarizə üçün yeni standartlara, həll yollarına ehtiyac duyuruq. Əgər, Polşa prezident seçməsə, o zaman ölkə xaosa girəcək”.

Qeyd edək ki, mayın 10-u Polşada prezident seçkilərinin ilk turu keçirilməlidir. Aprelin 6-da Polşa Seymi poçt vasitəsilə məsafədən səsvermə haqqında layihə qəbul edib.