Türkiyənin “Qalatasaray” klubunun vitse-prezidenti Abdurrahim Albayrak “Neftçi” ilə keçirəcəkləri oyunöncəsi açıqlama verib. dogruxeber.tv “Qafqazinfo”a istinadən xəbər verir ki, Azərbaycana gəlməzdən əvvəl “TRT Spor”a danışan klub rəsmisi, “sarı-qırmızılar”a inandığını bildirib:

“Çox sevdiyimiz qardaş ölkədəyik. Rəqib klub bizə üst səviyyədə qonaqpərvərlik göstərir. Azərbaycandakı dostlarımıza salam göndəririk. Keçirəcəyimiz oyun bizim üçün çox vacibdir. İnanıram ki, “Qalatasaray” “Qaziantep”lə matçda (3:1) göstərdiyi performansı Bakıda da göstərib, “Neftçi”ylə oyunda qələbə qazanaraq, Türkiyəyə mərhələ adlamış şəkildə qayıdacaq.Mərhələ keçəcəyimizə inanıram”.

Oyunun harda keçirilməsinin böyük bir fərqi yoxdur. Oyun İstanbulda da keçirilsə, yenə azarkeşlər olmayacaqdı. Azarkeş olmadan oyunun dadı-duzu yoxdur, harda oynanılsa, eynidir”.

Bu gün Bakı Olimpiya stadionunda keçiriləcək “Neftçi” – “Qalatasaray” matçına saat 20:00-da start veriləcək.