Lənkəranda piyadanı maşın vurub.

Dogruxdeber.az “Qafqazinfo” a istinadən xəbər verir ki, hadisə Lənkəran-Boradigah yolunun Veravul kəndindən keçən hissəsində olub. Həmin rayonun Separadi kənd sakini, 1987-ci il təvəllüdlü Rzayev Hünər Ərəstun oğlu idarə etdiyi “VAZ-2104” markalı avtomobillə elə həmkəndlisi olan, 1930-cu il təvəllüdlü Qurbanov Fərman Feyzi oğlunu vurub.

Piyadanı sürücü öz avtomobili ilə Lənkəran Rayon Mərkəzi Xəstəxanasına çatdırıb. Reanimasiya şöbəsinə yerləşdirilən xəstə çoxsaylı sınıq xəsarəti aldığından vəziyyəti ağırdır.

Faktla bağlı araşdırma aparılır.