Xəbər verdiyimiz kimi, özünü videobloger kimi təqdim edən Ata Abdullayev saxlanılıb.

Hələ bir neçə həftə bundan öncə, Ata Abdullayev Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyevaya həbs edilmə ehtimalı ilə bağlı gözlənilməz sual vermişdi.

Belə ki, Ata Abdullayev Ombudsmana "mən tutulsam, məni müdafiə edəcəksiniz?", sualını ünvanlayıb. "Ürəyimdə belə hiss var ki, sabah başıma hər hansı iş gəlsə, Ombudsman olaraq Səbinə xanım mənim hüquqlarımı qoruyacaqmı?" – deyə, o bildirib.

Ombudsman Səbinə Əliyeva isə blogerə cavabında deyib ki, Azərbaycan Respublikasının İnsan Hüquqları üzrə Müvəkkilinə müraciət edən hər kəsin hüquqları müdafiə olunur:

"Azərbaycan Konstitusiyasınınn tələblərinə uyğun olaraq hər kəs bizə müraciət edə bilər. Ölkə Ombudsmanı olaraq biz hər bir müraciəti araşdırırıq".