dogruxeber.tv: - Rusiya Müdafiə Nazirliyi rəsmi surətdə Qarabağda qanunsuz yerləşdirilən Ermənistan ordusunu “Dağlıq Qarabağın silahlı birləşmələri” adlandırıb.

Bizim.Media xəbər verir ki, Rusiyanın müvafiq nazirliyinin rəsmi saytında informasiya bülleteni yayılıb.

Həmin məlumatda bildirilir ki, son sutkalarda atəşəs bircə dəfə pozulub:

“Avqustun 11-i saat 7:29-dan 7:58-ə kimi Azərbaycan ordusu Dağlıq Qarabağın erməni birləşmələrinin mövqelərini iki dəfə atəşə tutub”.

Rusiya müdafiə nazirliyinin məlumatında “Dağlıq Qarabağ” ifadəsi işlənib, sülhməramlıların məsuliyyət zonasındakı erməni silahlıları qanunsuz hərbi birləşmələr adlandırılmayıb. Bundan başqa ruslar atışma qeydə alınan Şuşanın Sarıbaba kəndini Yexstahoq olaraq qeyd ediblər.

Yexstahoq Sarıbabaya ermənilər məskunlaşdırıldıqdan sonra kəndə verilən ad olub.

Bütün bunlar vasitəçi rolunu üzərinə götürən Kremlin də üçtərəfli bəyanatın şərtlərinə əməl etmədiyinə sübutdur.