Müzəffər Ali Baş Komandan cənab İlham Əliyevin rəhbərliyi ilə Azərbaycanın suverenliyi və ərazi bütövlüyü uğrunda Şanlı Ordumuzun qalib gəldiyi 44 günlük Vətən Müharibəsində şəhid olan qəhrəman oğullarımızdan biri, Zərdab rayon Körpükənd sakini gizir İlkin Tehran oğlu Ağayevin anım günü qeyd olunub.

"dogruxeber.tv" Qanunla.Az-a istinadən xəbər verir ki,ilk öncə Zərdab Rayon İcra Hakimiyyətinin başçısı Mərdan Camalzadə,Millət vəkili Jalə Əliyeva,Zərdab rayon prokuroru Zaur Əliyev, rayon polis idarəsinin rəisi Azər Əfəndiyev, DTX-nin Zərdab Rayon şöbəsinin rəisi Rüstəm Zakirov, Səfərbərlik və Hərbi Xidmətə Çağırış üzrə Dövlət Xidmətinin Zərdab rayon şöbəsinin rəisi Ramin Əhmədov, Zərdab rayon Gənclər və idman idarəsinin rəisi İlkin Əliyev, Şəhər İcra Hakimiyyəti Aparatının əməkdaşları, Zərdab rayon təhsil şöbəsinin müdiri Gülağa İsgəndərov, YAP Zərdab rayon təşkilatının üzvləri ilə birgə şəhidin məzarını ziyarət edilib,ruhuna ehtiramlarını bildiriblər.I-ci Qarabağ döyüşlərində şəhid olmuş igid Vətən oğullarının da unudulmaz xatirəsi dərin ehtiramla yad olunub.

Rayon icra hakimiyyətinin başçısı Mərdan Camalzadə və Millət Vəkili Jalə Əliyeva Ali Baş Komandan, Prezident İlham Əliyevin rəhbərliyi ilə qüdrətli ordumuzun İkinci Qarabağ müharibəsində əldə etdiyi tarixi Qələbədən danışıblar.

Ölkəmizin ərazi bütövlüyünün təmin olunması uğrunda hərbi əməliyyatlarda İlkin kimi igidlərimizin düşmənə əsl qəhrəmanlıq dərsi keçməklə möhtəşəm Zəfər qazandığını vurğulayıblar.

Ailənin qayğı və problemləri ilə maraqlanan icra başçısı Mərdan Camalzadə Prezident İlham Əliyevin və Birinci vitse-prezident Mehriban xanım Əliyevanın hər zaman şəhid ailələri və qazilərin yanında olduqlarını bildirib.

Eyni zamanda, torpaqlarımızın işğaldan azad edilməsi uğrunda gedən döyüşlərdə canından keçən şəhid İlkin Ağayevin yaşadığı evdə ehsan verilib, şəhidin ruhuna dualar oxunub.
Şəhidin ailəsi hər zaman onlara göstərilən diqqət və qayğıya görə Müzəffər Ali Baş Komandan cənab İlham Əliyevə, Azərbaycan Respublikasının Birinci vitse-prezidenti Mehriban xanım Əliyevaya dərin minnətdarlığını bildirib.

Qeyd edək ki,Cənab Prezident, Ali Baş Komandan İlham Əliyev tərəfindən şəhid gizir Ağayev İlkin Tehran oğlu ölümündən sonra “Vətən uğrunda” və “Qubadlının azad olunmasına görə” medalları ilə təltif edilmişdir.

Allah rəhmət etsin!