Üç onillik ərzində ölkə hakimiyyəti dövlətçilik sütunlarını dağıdıb və onları müstəqillik bəyannaməsində qeyd olunan müddəalardan ayırıb.
"dogruxeber.tv" AzVision.az-a istinadən xəbər verir ki, bunu Ermənistanın baş naziri, “Mülki müqavilə” partiyasının lideri Nikol Paşinyan siyasi təşkilatın 6-cı qurultayında deyib. O bildirib ki, hakimiyyətə gəldikdən sonra dövlətçiliyin əsaslarını bərpa etməyə çalışıb.

Paşinyan partiya üzvlərini cəsarətli olmağa və etiraf etməyə çağırıb ki, çökməkdə olan dünya nizamı şəraitində Ermənistanda dövləti və dövlətçiliyi qorumaq üçün yeni strategiya, yeni baxış lazımdır.

Ermənistanın baş naziri etiraf edib ki, 44 günlük müharibə və nəticələri onun üçün əsas və ən qlobal problemə çevrilib.