Ottava Universitetinin (Kanada) tədqiqatçıları aşkar ediblər ki, ilkin olaraq kokain asılılığını müalicə etmək üçün yaradılmış vanokserin preparatı kolorektal xərçəngin gec mərhələdə kök hüceyrələrinin inkişafının qarşısını ala bilir.

"dogruxeber.tv" bildirir ki, bu araşdırmanın nəticələri Nature Cancer jurnalında dərc olunub

Tədqiqatçılar vanokserinin kolon xərçəngində kök hüceyrələrin fəaliyyətini boğaraq güclü təsir göstərdiyini aşkar etdilər. Xərçəng kök hüceyrələri normal kök hüceyrələrlə əlaqəli xüsusiyyətlərə malikdir, yəni spesifik bir xərçəng nümunəsində tapılan bütün növ hüceyrələr yaratmaq qabiliyyəti.

Reçeteli tətbiq zamanı — kokain asılılığının müalicəsində dərman həzz və mükafat hisslərinin formalaşmasında iştirak edən bioloji aktiv kimyəvi maddə olan dopamini ötürən zülala təsir edir.

Kanadalı alimlərin araşdırmaları zamanı məlum olub ki, vanokserin həm də G9a adlı fermenti sıxışdırır. Bu ferment kolorektal xərçəngin inkişafında mühüm rol oynayır. G9a-nın yatırılması nəticəsində, vanokserin istifadə edildikdə, şişlər immunitet sisteminin hücumlarına daha həssas olur. Belə nəticələr dərmanın insan və siçanların sağlam toxumalarında sınaqdan keçirilməsi zamanı əldə edilib. Qeyd olunub ki, preparatın müsbət təsiri hüceyrə səviyyəsində kolorektal xərçəngin gec mərhələsində müşahidə edilən nümunələrdə özünü göstərib.

Bu tədqiqatın aparıcıları qeyd ediblər ki, belə bir terapiya metodu normal sağlam kök hüceyrələrin zədələnməsinin qarşısını almağa imkan verən kritik gen şəbəkələrinin yenidən qurulmasına əsaslanır.

Ancaq lazımi nəticələrə nail olmaq üçün əlavə tədqiqatlara ehtiyac var.

dogruxeber.tv
Kamal Əsgərov