Avropa Şurasının sədri Şarl Mişel Ermənistan və Azərbaycana Brüsseldə danışıqlar aparmaq üçün dəvət göndərib.

"dogruxeber.tv" xəbər verir ki, bu barədə ABŞ Dövlət Departamentinin mətbuat katibi Ned Prays brifinq zamanı bildirib.

ABŞ Dövlət Departamentinin nümayəndəsi qeyd edib ki, onun məlumatına görə, tərəflər Brüsseldə görüş keçirmək üçün dəvət edilib və onlara bu imkan verilib.

"Nəhayət, tərəflərin özləri, erməni və azərbaycanlı həmkarlarımız hər hansı belə görüşdə mümkün iştirakları barədə məlumat verməlidirlər", - deyə Prays görüşün ehtimal olunan tarixi ilə bağlı sualı cavablandırıb.

Prays əlavə edib ki, Birləşmiş Ştatlar problemin hərtərəfli həllinə yönəlmiş danışıqların gedişində tərəfləri dəstəkləməyə hazırdır.