Google öz axtarış sisteminə süni intellekt (AI) funksiyasını tətbiq etməyi planlaşdırır ki, bu da digər şirkətlərin oxşar alətlərindən fərqli olaraq danışacaq. Bu barədə korporasiyanın icraçı direktoru Sundar Piçai məlumat verib. Ehtimal olunur ki, bu, şirkətə ChatGPT çat-botu ilə rəqabət aparmağa kömək edəcək, eləcə də biznesdəki bir sıra digər problemləri həll edəcək.

"dogruxeber.tv" "The Wall Street" Journalına istinadən xəbər verir ki , bu funksiya işə salındıqdan sonra istifadəçilər axtarış sistemi ilə sözün əsl mənasında əlaqə saxlaya, ona suallar verə və süni intellektdən cavab ala biləcəklər. Google həmçinin ilkin suala ilk cavabları aldıqdan sonra kompüterə aydınlaşdırıcı suallar verməyə imkan verəcək sistemi sınaqdan keçirir.

Google rəhbəri bu yeniliklərin tətbiqi tarixlərini hələ dəqiqləşdirməyib.

Səsli axtarış sisteminin nə olacağı və hansı dialektləri anlaya biləcəyi hələ məlum deyil.

Müsahibədə Pichai həmçinin qeyd edib ki, Google bu ilin fevral ayında təqdim edilən Bard chat-botunu təkmilləşdirməyə davam edəcək. Şirkət həmçinin Microsoft ilə rəqabət aparmaq üçün yeni oxşar texnologiya üzərində işləyir.

Google bu yaxınlarda Gmail və digər məhsullarda yeni süni intellekt xüsusiyyətlərini sınaqdan keçirir. Bununla belə, Microsoft da heç də geri qalmır. Bu yaxınlarda Edge brauzerinin veb versiyası mətn təsvirləri əsasında şəkillər yaratmaq üçün alət olan Bing Image Creator-u işə saldı.

dogruxeber.tv
Kamal Əsgərov